Nigerian-British actress, Genoveva Umeh, don yan sey aldo acting don always dey her passion, she no study am from the beginning.
She talk sey she bin study law for university but she come realize sey acting na her real passion after she fail law for her first year.
The thespian yan dis one for the latest episode of “Is This Seat Taken” podcast wey Nollywood actress, Chinasa Anukam, dey host.
She talk sey, “Studying law, I go fit talk sey na my decision. But I go still talk sey I come realize sey I be first generation immigrant, I know how hard my parents take work to bring me enter UK.
“So, I no want do course wey I just take like hobby. I think sey acting na hobby.
“I just dey think am like hobby for university and I dey think, yeah, when I finish school, I go come back come pursue am.
“But that one no happen until I fail my first year. I fail my first year for law. Na dat time I come realize sey I need start consider wetin I really want do instead of wetin I feel say I suppose do.”
